‘दाल भात तरकारी’ को ट्रेलर सार्वजनिक भएको छ । ट्रेलरले सिनेमा कमेडीले भरिएको देखाएको छ ।
सार्वजनिक ट्रेलरमा सिनेमाका मुख्य कलाकारहरु विदेश मोहलाई देखाइएको छ ।
ट्रेलरमा हरिवंश आचार्य, निरूता सिंह, पुष्प खड्का, आँचल शर्मा, वर्षा राउत, राजाराम पौडेल, शिवहरी पौडेल, किरण केसी, बसुन्धारा भुषाल, रविन तामाङ, शिशिर वाङ्देल, विल्सन विक्रम राईलगायतलाई पनि ट्रेलरमा स्थान दिइएको छ ।
सिनेमा वैशाख २० मा रिलिज हुनेछ। किरण केसी प्रस्तुतकर्ता रहेको सिनेमाको कथा हरिवंश आचार्यले लेखेका हुन् । कथासँगै पटकथा तथा संवाद पनि उनकै हो ।
सुदन केसी सिनेमाका निर्देशक हुन् । उनको यो डेब्यू निर्देशन हो।
मित्र डि. गुरुङको सम्पादन रहेको सिनेमालाई दिर्घ गुरुङले खिचेका हुन् । सिनेमामा प्रमिला आचार्य, यमन श्रेष्ठ, शिवहरी पौडेल नरेन्द्र कंसाकार लगायतको लगानी छ । प्रविन सिंह र कविराज गहतराजको सिनेमाका गीतमा कोरियोग्राफी गरेका हुन् ।