साउन २७ गते रिलिज हुने रमेश थापा निर्देशित 'साईनो'ले ‘टिक-टक च्यालेन्ज’को घोषणा गरेको छ।
यसका लागि टिकटक प्रयोगकर्ताले गीतको कुनै पनि अंशमा टिक-टकबाट भिडियो बनाउन सक्नेछन् ।
यसरी बनाइएको टिक-टक भिडियोलाई सिनेमा ‘साइनो’को अफिसियल फेसबुक पेजमा पठाएर च्यालेन्जमा सहभागिता जनाउन सकिनेछ ।
च्यालेन्जमा उत्कृष्ट हुने भिडियोलाई निर्माण टिमले आकर्षक पुरस्कार पनि तय गरेको छ ।
जस अनुरुप प्रथम हुने भिडियोलाई ५० हजार, दोस्रोलाई ३० हजार र तेस्रोलाई २० हजारको दरले पुरस्कार छुट्टयाइएको छ ।
त्यस्तै पाँच जनालाई गिफ्ट ह्याम्पर र दुई जना भाग्यशालीलाई आस्था कला केन्द्रमा १ वर्षको लागि निशुल्क प्रशिक्षणको व्यवस्था गरिनेछ । विजेताहरु घोषणा सिनेमा रिलिज अगावै हुनेछ ।
सिनेमामा नीता ढुगाँना, मिरुना मगर र राजकुमार सँगै भुवन चन्द थापा, बसुन्धरा भुषाल, मदनदास श्रेष्ठ, राजा राजेन्द्र पोखरेल, रोयदीप श्रेष्ठ, श्याम राई, शिखा मल्ल, बिशाल पहाडी, भिमसेन लामा, धर्मेन्द्र आचार्य, रामेश्वर बुर्लाकोटी, बसुकला मैनालीलगायतका कलाकारको अभिनय छ ।
सिनेमालाई नेपाली प्रथम नायिका भुवन चन्दले निर्माण गरेकी हुन्।