टिभिएस टु ह्वीलर्सको आधिकारिक वितरक जगदम्बा मोटर्सको आयोजनामा ‘एक्सचेञ्ज जात्रा’ चलिरहेको छ। जावलाखेल चोकमा चलिरहेको यस मेलामा ग्राहकहरुले पुरानो मोटरसाइकल तथा स्कुटरसँग नयाँ साट्न पाउने छन्।
जेठ ११ गतेसम्म चल्ने योजनामा ग्राहकहरुले आफूसँग भएको कुनै पनि अवस्थाको जुनसुकै ब्राण्डको मोटरसाईकल तथा स्कूटरको सट्टामा नयाँ टिभीएस मोटरसाईकल तथा स्कूटर साट्न सक्नेछन्।
यस योजनामा ग्राहकहरुले ३ तरिकाबाट नयाँ टिभीएस मोटरसाईकल रोज्ने विकल्प पाउने छन्। पहिलो विकल्पमा ग्राहकले आफूसँग भएको जुनै अवस्थाको मोटरसाईकलको न्यूनतम २५ हजार मूल्य प्राप्त गर्नेछन्।
त्यस्तै दोस्रोमा एक स्योर सट् स्क्य्राच कुपनबाट १० हजारदेखि बढीमा १ लाख रुपैयाँसम्मको पक्का नगद छुट पाउने छन्। तेस्रोमा शुन्य प्रतिशत फाइनान्स सुविधा प्राप्त गर्न सक्नेछन्। यसका अतिरिक्त टिभीएस टु ह्वीलर साट्दा हेलमेट, रेनकोट, मोटरसाईकल कभर र ब्याग उपहारहरु पनि प्राप्त गर्नेछन्।
योजनाका सम्बन्धमा जगदम्बा मोटर्सका भाईस प्रेसिडेन्ट दिपक अग्रवालले ग्राहकहरुलाई विशिष्ट सुविधाहरु प्रदान गरिरहने प्रतिबद्धता जनाए। उक्त योजना नेपालको अन्य शहरहरुमा पनि संचालन गर्दै लैजाने उनले बताए।
