नेपालमा रहेका फार्मले कारोबार गरे बापत् विदेशमा बुझेको विदेशी मुद्रा कारोबार भएको १५ दिनभित्र नेपाल ल्याइसक्नुपर्ने भएको छ।
नेपाल राष्ट्र बैंकले आज एक निर्देशन जारी गर्दै कारोबारको १५ दिनभित्र विदेशबाट रिप्याट्रिशन ल्याइसक्नुपर्ने व्यवस्था गरेको हो।
ट्राभल तथा ट्रेकिङ एजेन्सी, कार्गो तथा कुरियर एजेन्ट, होटलजस्ता संस्थाले विदेशी मुद्रा कारोबार भएको १५ दिनभित्र नेपाल ल्याउनुपर्ने छ।
त्यसरी ल्याएको रकमको विवरण हरेक त्राइमास (साउनदेखि तीन महिनाको अन्तर) सकिएको १५ दिनभित्र राष्ट्र बैंकमा जानकारी गराउनुपर्ने छ।
ट्राभल तथा ट्रेकिङ एजेन्सी, कार्गो तथा कुरियर एजेन्ट, होटलजस्ता संस्थाले नेपालमा सेवा दिए पनि विदेशी सेवाग्राहीले विदेशमै रकम भुक्तानी गरेका हुन्छन् त्यसरी विदेशमै भुक्तानी भएको रकम १५ दिनभित्र नेपाल ल्याउनुपर्ने भएको छ।