माछापुच्छ्रे बैंकले सोमबार देखि ३ अर्ब रुपैयाँ बराबरको ‘माछापुच्छ्रे ऋणपत्र २०८५’ जारी गरेको छ । बैंकले एक हजार अंकीत मूल्यको ३० लाख कित्ता ऋणपत्र जारी गरेको हो । बैंकले ऋणपत्रको व्याजदर १०.२५ प्रतिशत हुने बताएको छ ।
कुल निष्काशित ऋणपत्र मध्ये सामूहिक लगानी कोषकालाई छुट्टाइएको ६० हजार सहित १२ लाख इकाई अर्थात एक अर्ब २० करोड रूपैयाँ बराबरको सर्वसाधारणका लागि खुला छ भने बाँकी १८ लाख अर्थात एक अर्ब ८० करोड बराबरको ऋणपत्र भने बैंकले व्यक्तिगत तवरबाट बिक्री हुनेगरि निष्कासन गरेको छ ।
इच्छुक लगानीकर्ताले न्यूनतम २५ कित्तादेखि अधिकतम ११ लाख ७० हजार कित्ताका लागि आवेदन गर्न सक्नेछन् । बैंकको ऋणपत्र निष्काशन छिटोमा साउन ९ गते देखि ढिलोमा भदौ ३ गतेसम्म निष्काशन खुला रहनेछ ।
बैंकको ऋणपत्रले आइसिआरएएन–आइआर मा ‘ए–माइनस’ रेटिङ पाएको छ ।
