नेपाल राष्ट्र बैंकले आज २ अर्ब रुपैयाँ बराबरको ट्रेजरी बिल जारी गर्ने भएको छ । बजारको तरलता सन्तुलनको लागि भन्दै राष्ट्र बैंकले ९१ दिने ट्रेजरी बिल जारी गरेको हो। ट्रेजरी बिल २०७६ मंसिर ३ गते परिपक्क हुनेछ।
सोमबार दिउँसो ३ बजेसम्म अनलाईन विडिङ्ग प्रणाली मार्फत बोलकबोल गर्न सकिने राष्ट्र बैंकले जारी गरेको सूचनामा उल्लेख छ। ट्रेजरी बिलको बोलकबोलमा बैंक तथा वित्तीय संस्था तथा संगठित संस्था सहभागी हुन सक्नेछन्। राष्ट्र बैंकले यसअघि पनि गत साउन २७ मा १० करोड रुपैयाँको ट्रेजरी बिल बिक्री गरेको थियो।
ट्रेजरी बिल एक वर्ष वा एक वर्षभन्दा कम अवधिको आन्तरिक ऋण उठाउने अल्पकालीन औजार हो । सरकारलाई आवश्यक पर्ने अल्पकालीन अवधिको स्रोत जुटाउन राष्ट्र बैंकले टे«जरी बिल जारी गर्छ।
ट्रेजरी बिल २८ दिने, ९१ दिने, १८२ दिने र ३६४ दिने गरी ४ अवधिको निष्कासन गरिन्छ । हाल २८ दिने बिल भने खासै चलनमा देखिदैन।
ट्रेजरी बिल बोलकबोलको माध्यमबाट निष्कासन हुने गर्दछ । ट्रेजरीमा आवेदन गर्दा अनलाइन बिडिङ प्रणालीको प्रयोग गरिन्छ । त्यसमा ब्याजदरको सट्टा डिस्काउण्ट दर लागू गरिन्छ। डिस्काउण्ट दर बोलकबोलको माध्यमबाट निर्धारण हुन्छ।
