नेपाल राष्ट्र बैंकले एटिएमबाट पैसा नआए सिधै सम्बन्धित बैंकलाई नै सम्पर्क गर्न आग्रह गरेको छ। भदौ १४ गते चिनियाँ ह्याकरले नेपालको एटिएम प्रणाली ह्याक गरेर पैसा चोरेपछि नेप्स स्वीचमा आवद्ध विभिन्न १८ बैंकको एटिएम प्रणालीमा समस्या आउने गरेको छ।
नेपालमा भिसा नेटवर्कअन्तर्गत नेप्स, नविल, एनएसबिआईलगायत स्वीच कम्पनी सञ्चालनमा छन्। तीमध्ये नेप्स स्वीचअन्तर्गतका बैंकको एटिएम प्रणालीमा बेलाबेलामा समस्या देखिने गरेको हो।
अर्कोतर्फ यी १८ बैंकका कार्ड अर्को बैंकको एटिएममा प्रयोग गर्न नमिल्ने अवस्था सिर्जना भएको छ। जसले गर्दा यी १८ बैंकका कार्डहोल्डरले सास्ती ब्यहोर्दै आएका छन्।
राष्ट्र बैंकका प्रवक्ता लक्ष्मीप्रपन्न निरौलाले नेप्समा आवद्ध धेरै बैंकको कार्डले काम नगरेको गुनासो आएको बताए। कार्डसँग सम्बन्धित बैंककै एटिएम नजिकमा नहुने तर अर्को एटिएममा नचल्ने अवस्था हुँदा धेरै सर्वसाधारणले राष्ट्र बैंकमै गुनासो गर्ने गरेको उनले बताए।
खासगरी भारतमा रहेका नेपालीबाट धेरै गुनासो आएको छ। यसअघि राष्ट्र बैंकले भारतमा रहँदा कार्डले काम नगरेमा गुनासा टिपाउन प्रवक्ता निरौलाकै सम्पर्क नम्बर दिएको थियो।
‘सो नम्बरमा एकै दिन एक हजारसम्म गुनासा आए, कोही हस्पिटलमा बिचल्ली भयो भन्छन्, कोही पढाइबाट वञ्चित हुने अवस्था आयो भन्छन्’ निरौलाले भने ‘यी गुनासा राष्ट्र बैंकभन्दा सम्वद्ध बैंकले नै सुन्नुपर्छ र आफ्ना ग्राहकलाई वैकल्पिक उपाय दिनुपर्छ।’
राष्ट्र बैंकले एटिएमको समस्या समाधान गर्न पटक पटक निर्देशन दिए पनि बैंकहरुले समाधान गर्न सकेका छैनन्। भारतमा मात्रै नभई नेपालका ग्रामीण क्षेत्रमा समेत धेरैले एटिएम समस्याकै कारण सास्ती ब्यहोर्नुपरेको छ।
धेरै सर्वसाधारण एटिएम संचालन नहुँदा मर्कामा परेपछि बाध्य भएर सिइओ तथा डेपुटी सिइओहरुको नम्बर नै दिनुपरेको प्रवक्ता निरौलाले बताए।
नेप्समा आवद्ध बैंकहरू भने आफूहरूका कारण समस्या सिर्जना नभएको भन्दै पन्छिने गरेका छन्।
ती बैंकहरुले नेप्सको स्वीचप्रति नै असन्तुष्ट जनाएका छन्।
‘यो हामीले गर्दा निम्तिएको समस्या होइन नि, स्वीच कम्पनी नेप्ससँग हामीले बारम्बार कुरा गरेका छौँ, हामी पनि आक्रोशित छौं, तर यहाँ त बैंकलाई नै दोष लगाउने काम भइरहेको छ,’ एक बैंकका प्रमुख कार्यकारी अधिकृतले भने।
नेप्सलाई आफूहरूले पटक-पटक अन्तर एटिएममा कार्ड सञ्चालन हुनेगरी प्राविधिक व्यवस्थापन गर्न आग्रह गरेको उनले बताए। अन्तर कार्ड एटिएममा प्रयोग नहुँदा धेरै ग्राहकले सास्ती ब्यहोरेको उनले स्वीकार गरे।
‘समस्या समाधानका लागि हामीले चाहेर मात्रै समाधान हुने अवस्था छैन’ उनले गुनासो गरे ‘अर्कोतर्फ जोखिम पनि त उस्तै छ।’ यस विषयमा नेप्सले भने कुनै प्रतिक्रिया दिन चाहेन। नेप्सका प्रमुख कार्यकारी प्रकाश क्षेत्रीलाई पटक-पटक फोन गर्दा सम्पर्क हुन सकेन।
१४ गते भएको एटिएम प्रणाली ह्याक सम्बन्धमा अध्ययन गर्न नेपाल आएको फरेन्सिक टोलीले समस्या पहिचान गर्न नसकी सिंगापुर फर्किएको छ।
टोलीले सिंगापुरबाटै तीन महिनाभित्र प्रतिवेदन पठाउने नेपाल राष्ट्र बैंकका प्रवक्ता लक्ष्मीप्रपन्न निरौलाले जानकारी दिए।
‘समस्या के हो भनेर ठ्याक्कै पहिचान हुन सकेको छैन, उनीहरुले तीन महिनाभित्र प्रतिवेदन पठाउने भनेका छन्’ निरौलाले भने।
| Name of Bank | CEO | | Mobile No |
| Bank Of Kathmandu Ltd. | Mr. Shovan Dev Pant | | 9851016078 |
| Citizens Bank Ltd | Mr. Ganesh Raj Pokharel | | 9851081725 |
| Global IME Bank Ltd. | Mr. Mahesh Sharma Dhakal (Act) | | 9851048251 |
| Janata Bank Nepal Ltd. | Mr. Parshuram K Chhetri | | 9851034791 |
| Machhapuchchhre Bank Ltd. | Mr. Suman Sharma | | 9851134975 |
| Nepal Bangladesh Bank Ltd. | Mr. Gyanendra P. Dhungana | | 9851022005 |
| NIC Asia Bank Ltd. | Mr. Roshan Kr. Neupane | | 9851245904 |
| Prabhu Bank Ltd. | Mr. Ashok Sherchan | | 9851019992 |
| Prime Commercial Bank Ltd. | Mr. Narayan D. Manandhar | | 9851030186 |
| Siddhartha Bank Ltd. | Mr. Shambhu N Gautam | | 9851047916 |
| Sunrise Bank Ltd. | Mr. Janak Sharma Poudyal | | 9851106509 |
| Dev Bikas Bank | Mr. Bijay Bahadur Shrestha | | 9851048440 |
| Jyoti Bikas Bank | Mr. Manoj Kumar Gyawali | | 9851002067 |
| Om Development Bank | Mr. Bishwo Mohan Adhikari | | 9856024097 |
| Shine Resunga Bikas Bank | Mr. Prakash Poudel | | 9857028468 |
| Sangrila Devep. Bank | Mr. Suyog Shrestha | | 9851016500 |
| Excel Devp. Bank | Mr. Dinesh kumar Pokharel | | 9852679714 |
| Lumbini Devp. Bank. | Mr. Naresh Singh Bohra | | 9851003479 |
| Name of Bank | | DCEO | | Mobile No |
| Bank Of Kathmandu Ltd. | | Mr. Shrawan Lal Maskay | | 9851032446 |
| Citizens Bank Ltd | | Mr. Bodhraj Devkota | | 9851101930 |
| Global IME Bank Ltd. | | | | |
| Janata Bank Nepal Ltd. | | Mr. Sujit Shakya | | 9851032476 |
| Machhapuchchhre Bank Ltd. | | Mr. Santosh Koirala | | 9841324500 |
| Nepal Bangladesh Bank Ltd. | | Mr. Surendra Bhushan Shrestha | | 9851032612 |
| NIC Asia Bank Ltd. | | Mr. Sudhir Nath Pandey | | 9851075403 |
| Prabhu Bank Ltd. | | Mr. Mani Ram Pokharel | | 9851060262 |
| Prime Commercial Bank Ltd. | | Mr. Sanjeev Manandhar | | 9851021034 |
| Siddhartha Bank Ltd. | | Mr. Sundar Prasad Kadel | | 9851046662 |
| Sunrise Bank Ltd. | | Ms. Asha Rana Adhikary | | 9851031861 |
Source: Nepal Rastra Bank
