चर्चित ब्राण्ड 'विइङ हुमन' क्लोथिङ नेपालले नेपालमा २ वटा शोरुम बन्द भएको समाचारप्रति आपत्ति जनाएको छ।
विइङ हुमन क्लोथिङ नेपालका अध्यक्ष राजु थापा क्षेत्रीले केही समयका लागि २ वटा शोरुम बन्द भएको भन्दै त्यो छिट्टै संचालनमा ल्याइने बताए।
'हामीले शोरुम नयाँ ढंगबाट संचालन गर्ने सोचमा छौं,' थापाले सेतोपाटीसँग भने 'अहिले रेनोभेसनको काम भइरहेको छ।'
नेपालमा ५ वर्षको दौरानमा भाडा नै तिर्न नसकेको भन्ने समाचारमा सत्यता नभएको उनले प्रष्ट पारे। आफ्नो ब्यापार व्यवसायसहित विइङ हुमनले सामाजिक क्षेत्रमा समेत काम गरिरहेको र त्यसलाई निरन्तरता दिने उनले बताए।
