नेपालको प्रमुख विकास साझेदार विश्व बैंकको सक्रिया लगानी २ खर्ब ७० अर्ब बढी पुगेको छ। २४ आयोजनामा २ अर्ब ३५ करोड अमेरिकी डलर लगानी रहेको बैंकले जानकारी दिएको छ।
यसमा २० आयोजनामा १ अर्ब ७८ करोड डलर लगानी रहेको छ। ३ कार्यक्रममा ४ ६ करोड र एक विकास साहयता नीतिगत ऋणमा १० करोड लगानी रहेको छ।
नेपालमा भएको लगानी र त्यसको कार्यान्वयनका सम्बन्धमा बैंक र नेपाल सरकारबीच समिक्षा भएको छ। अर्थमन्त्री डा युवराज खतिवडा र नेपालसहित हेर्ने विश्व बैंकका कन्ट्रि डाइरेक्टर इदाह जेट स्वारयेसहितको बैठक भएको थियो।
नेपालको विकास प्राथमिकतामा साहयता गरेको भन्दै अर्थमन्त्री खतिवडाले कृतज्ञता व्यक्त गरेका थिए। उनले समिक्षाबाट लगानीको सही प्ततिफल पाउनका लागि अवसर भएको बताए।
'नेपालको विकास प्राथमिकतामा सहयोग गरेकोमा विश्व बैंकप्तति हामि आभारी छौ' खतिवडाले भने,'यो समिक्षा बैठक हाम्रा लागि सिक्ने अवसर हो। जहाँबाट असर अभ्यास लागू गर्न सक्छौ। यसले गर्दा सही परिणाम निसक्ने छ।'
तीन दिन लामो समिक्षा बैठकको आज समापन गरिएको हो। समिक्षाको क्रममा चालु आयोजनाका बारेमा विस्तृत विवरण प्रस्तुत गरिएको थियो।