सञ्चार तथा सूचना प्रविधि मन्त्री गोकल बाँस्कोटाले सञ्चार माध्यमहरूलाई सरकारको विरोध वा समर्थनको केन्द्र नबन्न आग्रह गरेका छन्।
सरकारका प्रवक्ता समेत रहेका मन्त्री बाँस्कोटाले सरकारी सञ्चार माध्यमले पनि सरकारको पक्षकामात्र सामग्री प्रसारण गरिरहन नपर्ने जनाएका छन्।
सञ्चार माध्यमहरूले कसैको विरोध वा समर्थनभन्दा पनि 'क्रिएसन'मा ध्यान दिनुपर्ने उनको भनाइ छ।
मंगलबार राजधानीमा आयोजित एक कार्यक्रममा सम्बोधन गर्दै मन्त्री बाँस्कोटाले न्यूनतम पारिश्रमिक लागू नगरेको भन्दै निजी क्षेत्रको सञ्चार माध्यमप्रति आक्रोश पनि व्यक्त गरे।