नयाँ बसपार्क तथा बौद्ध इलाका क्षेत्रमा डलर र नक्कली सुन साट्ने बहानामा सर्वसाधारण लुट्ने दुई जनालाई प्रहरीले पक्राउ गरेको छ।
पक्राउ पर्नेमा सिन्धुपाल्चोक बाह्रबिसे नगरपालिका ८ घर भई काभ्रे पाँचखाल बस्ने जितबहादुर तामाङ र रामबहादुर तामाङ छन्।
महानगरीय प्रहरी परिसर काठमाडौंको टोलीले उनीहरूलाई भक्तपुर साँगाबाट आइतबार पक्राउ गरेको हो।
पक्राउ परेकाले थली र कपनमा १४ लाख ठगी गरिसकेको परिसरले जनायो।
१५ लाख ठगी गर्न लागेको अवस्थामा उनीहरू पक्राउ परेको परिसरले जनाएको छ। दुवैलाई परिसर र जिल्ला प्रहरी काभ्रेबाट ठगी मुद्दामा अनुसन्धान थालिएको छ।
