सुनसरीको धरान उप महानगरपालिका ८ तीनकुनेबाट कारमा लुकाएर लैजाँदै गरेको लागुऔषधसहित दुई पक्राउ परेका छन्।
अस्थायी प्रहरी पोष्ट तिनकुनेबाट खटिएको प्रहरीको टोलीले आइतबार राति १२ बजे इटहरीबाट धरानतर्फ जाँदै गरेको को।२ च। १०२१ नम्बरको कारबाट लागुऔषध बरामद गरेको हो।
चेकजाँच गर्ने क्रममा धरान १५ का रुभिन श्रेष्ठ र बनबरीलाल शर्माले लुकाइ छिपाइ लैजाँदै गरेको अवैध लागुऔषध लाइलेक्स २८ बोतल फेला पारेको इलाका प्रहरी कार्यालय धरानका प्रहरी नायब उपरीक्षक ढुण्डिराज न्यौपानेले बताए। लागुऔषधसहित पक्राउ परेका दुवै जना र कारलाई इलाका प्रहरी कार्यालय धरानले नियन्त्रणमा लिई अनुसन्धान थालेको छ।