बायर्न म्यूनिख पुनः लिगको शीर्ष स्थानमा उक्लेको छ।
आइतबार राति भएको बुडेन्स लिगा अन्तरगत भएको खेलमा फोर्टुना डुसेलडर्फलाई ४-१ को फराकिलो गोल अन्तरले हराउँदै शीर्ष स्थानमा उक्लेको हो।
दोश्रो स्थानमा उसलाई ६६ अंकसहित बोरूसिया डर्टमन्डले पछ्याइरहेको छ।
हिजोको खेलमा बायर्नले खेलको १५ औं मिनेटमा अग्रता लिएको थियो। सो गोल किङ्सले कोमानले गरेका थिए। खेलमा २ गोल गरेका कोमानले नै टोलीका लागि खेलको ४१ औं मिनेटमा दोश्रो गोल गर्दै हाफटाइम अघि बायर्नलाई २-० को नतिजामा पुर्याए।
यसैगरी दोश्रो हाफमा ५५ औं मिनेटमा बायर्नले तेश्रो गोल गर्यो। सो गोल सर्जी जिनाब्रीले गरे। त्यसपछि ३-० ले पछि परेको फोर्टुनाले खेलको ८९ मिनेटमा एक गोल फर्कायो। सो गोल डुडीले पेनाल्टीमार्फत गरेका हुन्।
१ गोल गरेपनि तर उसका लागि समय घर्किसकेको थियो। यस्तैमा बायर्नका लागि लियोन गोरेट्जले अतिरिक्त समयमा ऊ विरूद्ध चौथो गोल गरे।
बायर्न लिगको शीर्ष स्थानमा रहेको छ। उसले २९ खेलबाट ६७ अंक जोडेको छ भने दोश्रो स्थानमा समान खेल खेलेर डोर्टमण्डको ६६ अंक रहेको छ।