फ्रेन्च लिग वान अन्तरगत आइतबार राति भएको खेलमा पेरिस सेन्ट जर्मेन (पीएसजी)ले मोनाकोलाई ३–१ ले पराजित गरेको छ।
मनाकोलाई पराजित गरेसँगै फिएसजी पाँच खेल अगावै यस सिजनको फ्रेन्च लिग वान विजेता बनेको हो । पिएसजीले उपाधिमा यो आठौं कब्जा हो।
घरेलु मैदानमा पीएसजीलाई जित दिलाउने क्रममा तीनै गोल एमबाप्पेले गरे। उनले खेलको १५, ३८ र ५५ औं मिनेटमा गोल गरेका थिए।
मोनाको लागि एकमात्र गोल एलेसन्दर गोलोभिनले गरे।
हिजोको खेलमा करिब ३ महिना मैदान बाहिर रहेका नेयमारले पुनरागमन गरे । उनी दोश्रो हाफमा लेभिन कुर्जावाको स्थानमा मैदान छिरेका थिए । घाइते भएका कारण विकत ३ महिना उनी मैदान बाहिर थिए।
लिग वानमा ३३ खेलबाट ८४ अंक जोडेपछि पिएसजी लिग विजेता बनेको हो।
दोश्रो स्थानमा रहेको लिलेको ६५ अंक छ । हिजो नै भएको अर्को खेलमा लिलेले टोलुसोलेसँग गोल रहित बराबारी गरेपछि पिएसजीले लिगमा कब्जा जमायो।
