कार्डिफ सिटीलाई हराउँदै लिभरपुल इंग्लिस प्रिमियर लिग फुटबलको शीर्षस्थानमा उक्लिएको छ ।
आइतबार राति भएको खेलमा कार्डिफ सिटीमाथि २–० को जित निकाल्दै लिभरपुल पुनः म्यानचेसटर सिटीलाई पछि पार्दै पुनः शीर्षस्थानमा पुगेको हो ।
कार्डिफलाई पराजित गर्ने क्रममा लिभरपुलका लागि ५७ औँ मिनेटमा जर्जिनिओ विनाल्डम र ८१ औँ मिनेटमा पाएको पेनाल्टीमा जेम्स मिल्नरले गोल गरेका थिए।
पहिलो हाफ गोलरहित बराबरीमा सकिएको थियो।
जितपछि लिभरपुलको ३५ खेलबाट ८८ अंक जोडेको छ । एक खेल कम खेलेको म्यानचेस्टर सिटीको ८६ अंकसहित दोश्रोमा छ । यस्तै तेश्रो र चौथोमा क्रमशः ६७ र ६६ अंकसहित टोटनह्याम र आर्सनल रहेका छन्।
