अखिल नेपाल फुटबल संघ (एन्फा) मा आबद्ध चार जिल्ला फुटबल संघका अध्यक्षहरुले 'नाइट क्लब काण्ड'मा एन्फा पदाधिकारीलाई पनि कारबाही गर्न माग गरेका छन्।
काठमाडौं जिल्ला फुटबल संघका अध्यक्ष विराटजंग शाही, भक्तपुपर जिल्ला फुटबल संघका अध्यक्ष गौतम सुजखु, धादिङ जिल्ला फुटबल स्घका अध्यक्ष दिपक खतिवडा र ललितपुर जिल्ला फुटबल संघका अध्यक्ष पुरुषोत्तम थापाले खेलाडीसँगै जिम्मेवार व्यक्तिलाई कारबाहीको माग गरेका हुन्।
अखिल नेपाल फुटबल संघ (एन्फा) ले शनिबार फरवार्ड विमल घर्तीमगर, मिडफिल्डरद्वय अञ्जन विष्ट र सन्तोष तामाङ तथा डिफेन्डर दिनेश राजवंशीलाई अनुशासनहिन काम गरेको भन्दै राष्ट्रिय टिमबाट हटाएको थियो।
उनीहरुलाई नियमविपरित 'नाइट क्लब'मा गएको भन्दै एन्फाले तत्काल राष्ट्रिय टिमबाट हटाएको थियो।
'विश्वकप छनोट जस्तो महत्वपूर्ण समयमा खेलाडीहरु रातको समयमा होस्टल बाहिर हुनु, उनीहरुलाई स्पष्टिकरणविना तत्काल कारबाही गरिनु साथै टिमका व्यवस्थापक र सरोकारवालाई सोधपुछ नगरिनु आफैमा आश्चर्यजनक कुरा छ,' संयुक्त विज्ञप्तिमा भनिएको छ।
'यहि विषयलाई सरोकारवाला तथा आममिडियाले म्याच फिक्सिङको समेत गम्भिर आरोपहरु उब्जाएको हुँदा एन्फाले सो विषयका प्रशिक्षक, टिम व्यवस्थापक तथा होस्टलका जिम्मेवार व्यक्तिलाई अनुसन्धाको दायारमा नल्याउनु एन्फाका जिम्मेवार पदाधिकारी नै यस घडीमा संगल्न भएको हो कि भन्ने प्रस्तु आधार देखिएको छ।'
एन्फाले आफ्नो धारणा सार्वजनिक गरी खेलाडी सँगसँगै त्यसका जिम्मेवारी व्यक्तिलाई तथा पक्षलाई कारबाही किन नगर्ने भनी चार अध्यक्षले माग गरेका छन्।
चार खेलाडी जना शुक्रबार राति ठमेलका विभिन्न क्लबमा गएका थिए। भुटान उड्ने अघिल्लो दिन उनीहरु राति २ बजेसम्म क्लबमा रहेको एन्फा स्रोतको भनाइ छ। ठमेलका विभिन्न क्लबमा घुमेपछि अन्तिममा उनीहरु एलओडीमा पुगेका थिए।
गत वर्ष पनि विमल लगायतका खेलाडीहरु नाइट क्लबमा गएका थिए। एसियाली खेलकुदअघि नियम तोडेका उनीहरुमाथि एन्फाले स्पष्टिकरण मात्र सोधेको थियो।
चार अध्यक्षको विज्ञप्ती
