बलात्कारपछि गर्भ बोक्न बाध्य भएकी एघार वर्षीया किशोरीले छोरो जन्माएकी छिन्। झापाको खुदनाबारी सिस्नेकी विश्वकर्मा थरकी ती किशोरीले आज बिहान विराटनगरस्थित कोसी अञ्चल अस्पतालमा गर्भधारण गरेको सात महिनाको अवधिमै छोरो जन्माएकी हुन्।
नातामा भिनाजु पर्ने ४० वर्षीय सुरेन्द्र विश्वकर्माले बलात्कार गरेपछि गर्भ बोक्न बाध्य भएकी ती किशोरी केही दिनदेखि विराटनगरस्थित एबिसी नेपालको संरक्षणमा थिइन्। उनलाई गएराति एक्कासि व्यथा लागेपछि उपचार गराउन कोसी अञ्चल अस्पताल ल्याइएको थियो।
कम उमेरमै बच्चा जन्माउने ती किशोरीको स्वास्थ्य समान्य रहे पनि बच्चाको अवस्था भने गम्भीर रहेको छ। बच्चालाई आइसियू कक्षमा राखेर उपचार भइरहेको अस्पताल प्रशासनले जनाएको छ। गरिबीका कारण गिट्टीकुटेर खानुपर्ने बाध्यता भएकी पीडित किशोरी कक्षा ३ मा पढदैछिन्। रासस
प्रकाशित मिति: 2013-05-29 12:39:06
